** وصلتنا من مواطنين في بغداد هذا اليوم الاستغاثات التالية ننقلها اليكم كما وصلتنا:
...........................
السلام عليكم اخواني .. الحكونا صار 3 ايام والاعتقالات الليلية بالغزالية،
لاسلم منهم الضابط ولا الموظف، حتى قائد الصحوه العقيد شجاع اخذوه
بالفانيله واللباس من بيته.. صار 3 ايام (من يوم الجمعة) تأتي سيارات
سوداء، وحتى القوات التي تقوم بالاعتقالات لابسين اسود ومعهم قوائم اسماء..
الاعتقالات من شارع المشجر الى اسواق الزاويه.. يعني مقتصرة على أبناء
السنة فقط.. وحتى قوات الصحوه اخذوهم.. والي تعين بالشرطه اخذوه.. والعدد
تجاوز الـ40 شخص، والذين أخذوهم ليس لهم اي ارتباط بحزب البعث.. مثلا أحد
الذين أخذوهم عمره 17 سنه طالب إعدادي يشتغل بمولدة بالشارع، اسمه عمر
يصيحوله (ابو زهرة)، تزوج قبل شهر من الآن، شوكت صار بعثي ؟
وكذلك أخذوا غزوان وسلوان وغسان وهم أشقاء من نفس البيت، وأعمارهم 19 و 23 و
28 سنة.. واخذوا العقيد شجاع بملابسه الداخلية، وهو مسئول الصحوة
بالغزالية شارع مدير الامن.. واعتقلوا خلدون وهو موظف بوزاره التخطيط وعمره
29 سنه.. ومن ضمن المعتقلين ايضا الشيخ يوسف، وهو مريض تم اخذه من منزله
ليله اول امس قرب مدرسه الانفال، وهو إمام جامع الحديثي.
الاعتقالات بدات من ليله الجمعه على السبت ومستمره لحد ليلة أمس.. ولا تحمل
القوة المداهمة أية مذكرة اعتقال، إنما يحملون معهم قوائم اسماء فقط ..
ومن المثير أنه صباح هذا اليوم الاثنين جاء احد المنتسبين من الجيش مسؤول
عن منطقتنا لشراء بطاقه شحن موبايل من إحدى المحلات، فسأله رجل كبير بالسن
عن سبب اعتقالهم للمواطنين بهذه الطريقة، فقال هذا الجندي بالحرف:
(احنه بالواجب واجانه الخبر راح تقوم قوه قادمه من المنطقه الخضراء
بمداهمات في المنطقة، فدخلت القوة الساعة الواحدة ليلة الجمعة، وهي عبارة
عن سيارات سوداء والي بيهه زيهم اسود ايضا.. توقفت السيارات أمام السيطرة
وتم اخذ الموبايلات من جميع المنتسبين الي بالسيطرات واغلاقها) ثم قال
بالحرف الواحد : (بيهم أشخاص ميتكلمون العربي او العراقي ابدا..) فسألناه
كلناله شنو لغتهم ؟ قال (اكو غيرهم ايرانيين وفيلق بدر الي اجويه
يعتقلون).. وبالفعل كل الي اعتقلوهم سالنا اهلهم كالوا مو الجيش الي
بالمنطقه الي اعتقلهم، إنما ناس بزي اسود ومدنيين وياهم.. هاا وقبل
ميداهمون اي بيت يرمون رمانة صوتية بالحديقة لأجل إخافة من في المنزل قبل
المداهمة..
.....................................
كما وصلنا من منطقة ابو غريب هذا اليوم مايلي:
الاخوة الكرام في الرابطة العراقية..
السلام عليكم ورحمة الله وبركاته
ارجوكم عندي معلومات واود ان تصلكم لانكم النبض والملاذ الذي نشكو اليه بعد الله..
اخواني الاعزاء ان ما يحدث في منطقة ابو غريب لهو امر فضيع.. ان لواء
المثنى الظالم يسلبنا حريتنا ويعرضنا على نحو متواصل لأبشع أنواع الاهانة..
ففي الامس قاموا هم أنفسهم بوضع عبوتين في شارع الشهداء وحصل الانفجار وهم
واقفون بعيدا عن العبوات ينظرون.. بعد ذلك قاموا بمداهمة المنازل وأخذو
اكثر من 150 شخص..!
كنت أحد المعتقلين الذين اقتادوهم من المنطقة بشكل عشوائي.. وفي سرية الفوج
التابعة لهم بدأ التعذيب وما ادراك ما التعذيب.. وبالمناسبة جميع الحرس
شاربين أو مكبسلين كعادتهم.. والله لو شفت اشون ايضربون المعتقلين بحقد
وكراهية ووحشية .. والله ضربوا واحد عله خشمه دفرات وهو يصيح ويستغيث..
والله اني هسه كمت ابجي .. واليوم الصبح سدوا كل المحلات والشوارع، وبدءوا
بجولة اعتقالات ثانية الى الساعه 4 العصر..
بعد التفجير داهمو كل البيوت، اعتقلوني حوالي الساعه 7 مساءا، اقتادونا الى
مقر الفوج ووضعوني على كاشي بدون اي افراش.. وياهو الي يجي من الجنود
يتناولنا بالضرب والسباب والشتائم.. الساعه 11 صباحا جاء الامريكان وبدءوا
يأخذون بصماتنأ.. ألطف شي يسألنا المترجم: أكو واحد ضربكم ؟!! هيه الناس
امدمايه (تعلوهم الدماء) والاخ يسال أكو واحد ضربكم..! الضابط كال الي يحجي
اعلسه.. فشنكول بعد؟
عندما وصلنا الى السرية قال لنا أحد الضبا: (والله لو واحد من الحرس مشخوط
بس جان موتناكم)، ثم بدءوا بضربنا راشديات وبعدين اشتغلونه بوكسيات ودفرات
وكانوا سكارى.. بس اني احسن من هوايه ناس لان جنت دائما اضم راسي بين
ايديه.. طبعا آمر لواء المثنى هو الكلب ابن الكلب عقيد رحيم رسن البيضاني..
جميع من تم اعتقالهم يوم أمس أطلق سراحهم صباح هذا اليوم باستثناء الأشخاص
الذين كانوا معتقلين في السابق، هؤلاء كانت معاناتهم مضاعفة في الضرب
والتعذيب، وأبقوهم قيد الاعتقال.. واليوم صباحا أخذوا عددا أكبر من عدد
البارحة..! همه كلما يشوفون المنطقة هدوء هيجي ايسوون.. أكو نقيب متفجرات
والله كدام العالم قال هاي العبوات مال اللواء..!
وأشد ما أثار استغرابنا أن معظم الجنود كانوا (ملحدين)، لم يكن اسهل على
اسنتهم من كلمات الكفر البذيئة.. وكانوا يشتمون أصحاب الرسول (ص) ويشتمون
أعراضنا بشكل علني .. وغدا الأربعاء سوف نجتمع مع شيوخنا، شيوخ الزيدان،
لوضع حد لمثل هذه السلوكيات المهينة والاجرامية بحق الأبرياء ومن منطلقات
طائفية كريهة..
